حاجه التومه بت خيرالله.... ....د.غازي العتباني....والنصيحه

حاجه التومه بت خيرالله.... ....د.غازي العتباني ....والنصيحه

حاجه التومه بت خيرالله.... ....د.غازي العتباني....والنصيحه Quote: غازي العتباني يصرح الإنقاذ هي حلمنا الذي كرسنا حياتنا من أجله غازي العتباني يصرح الإنقاذ هي السفينه التي ستنقذ شعب السودان غازي العتباني يصرح سفينة الإنقاذ في طريقها للغرق غازي العتباني يصرح لن أغادر السفينه غازي العتباني يصرح سأغادر السفينه غازي العتباني يصرح لن أكون حزبا جديدا غازي العتباني يصرح أفكر في تكوين حزبا جديدا ........................ ............... عباس ود الحرم ما كان زول مدارس من هو طفل كان سارح وبيرعى بي البهايم وبرع في علاج البهايم وتوليد الغنم....عشان كده هدومه دايما ملطخه بي روث البهايم وصوف الغنم لمن كبر خلى الرعي وإشتغل في الدباغه والحال ياهو الحال اليوم كله بين الجلود والقطران وفوق لي ده علاقته بي الحمام والنضافه ما حميمه...كان ما قلنا مقطووعه تماما هي مرتين في السنه ...في الأعياد....قبل الصلاه بياخد ليهو غطسه في البحر قبل ما يلبس جلابية العيد عشان كده ريحته كانت صعبه ...قاسيه.... ونفاذه ....مميزه بترمي الصقر ....وتقيله بتسبقه وبتقعد معاه ولمن يفوت بيخلي جزء منها وراهو...بتطفش الرجال من السلام عليهو...قالوا سلم على حاج الخير لمن جأ من الحج بالأحضان المسكين كان داير يضيعوا ....قامت عليهو الأزمه ولمن رقدوهوا إسبوع في الاسبتاليه وأخد ليهو أكسجين و كورس بتاع حقن بنسلين حتى شم العافيه في الجامع تلقاهوا واقف في الصف برااه ......ولو دخل على أي بيت في الحله أثره وريحته بتقعد وراه كان يوم يومين وما بتروح بي فتيح الابواب ولا الدخان ولا البف باف في يوم ...................جأ لي خالته حاجه التومه لابس جلابية العيد وقال ليها تمشي معاها عشان يخطب نفيسه بت حاج الطريفي قالت ليه والله ياولدي أسمع كويس ما تتعب نفسك ساكت........وأسمعالنصيحه دي من خالتك........................ عرسا في الحله دي ما شايفاهو ليك ...والله ياولدي كان البت بايره وغبيانه وعويره وما شافتك ووافقت.........أهلها ما حيوافقوا يا ولدي إنت ما نصيح.............. ريحتك دي يعيشوا معاها كيف؟؟؟؟؟؟؟ والله يا ولدي لو عطونك في البحر لي شهر بي حولوا .....وقفلوك حول كامل ودعكوك بالدلكه والخمره ما بغير شئ مش كده والله يا ولدي لوربنا من سماهو غير ليك جلدك وخلى عرقك مسك ونفسك فليردمور....برضه ما بحلك يا ولدي الريحه دي ما في النخره...دي بقت في القلب.. الحمام وتغيير الجلد ما بروحوها.....والله ياولدي أنا خالتك لو شفتك في حلمي في المنام بصحي نفسي مكتوم من العفنه..... ماتتعب نفسك الحصل حصل ............................ريحتك ياولدي ما جلابية تلبسها وتقلعها...دي في العضم نصيحتي ليك .......يا تنسى العرس مره واحده وتبقى زول آخره........يا تنسى ناس الحله دي وتشوف ليك حلة تانيه بعييده يكونوا ما بعرفوك عشان تاني يفكروا يدوك بنتهم